Prazas e terrazas da zona vella de Compostela
Feito a Man é un festival de rúa que nace no ano 2003 e que está organizado pola Asociación Cultural Cidade Vella nos espazos singulares da cidade de Santiago de Compostela.
Durante o mes de agosto, Feito a Man deseña e pon en escena un ciclo continuado de actuacións no que caben actividades artísticas de diverso xénero: música, cabaret, instalacións, performance, teatro, dj’s… Un festival de diversidade. Un fenómeno espacial onde interactúan os suxeitos dunha colectividade a través da creación.
Asociación Cultural
Cidade Vella
Somos unha asociación que reúne establecementos de hostalaría da zona vella compostelá cun claro compromiso coa cultura e coa cidade.
Apostamos por unha cultura sostible para facer do talento creativo da cidade o motor de transformación. Queremos unha cidade viva para gozar de experiencias singulares e participativas nun entorno único.
Apostamos por procesos colaborativos, ideas e paixón para desenvolver proxectos innovadores e libres cunha comunidade activa, orgullosa e implicada na transformación social.
Temos vontade transformadora para facer da cidade vella un lugar de vida singular, un lugar único no que asentar novas posibilidades de desenvolvemento baseadas na vitalidade social, económica e cultural.