ALE continúa a presentación en directo de “Flores e fobias” o seu primeiro disco e avánzanos parte do repertorio que dará forma ao seu novo traballo nesta edición do FAM.

ALE é o proxecto en solitario de Alexandro González, cantante e compositor do grupo galego Los Árboles. Leva mais de media vida vinculado á música, con proxectos propios e como intérprete para outras bandas do panorama independente como Meu, Sensacional, Espiño ou Pardo. Nesa difusa fronteira na que conflúen, e ata se confunden, o pop e o rock sitúa ALE a súa proposta musical. Si, o pop-rock, ese termo que de tan manido acabara por perder o seu sentido, reivindícase en toda o seu concepción e con toda a súa intensidade en “Flores e fobias”, o primeiro disco do proxecto de Alexandro González.

Tiña claro que, tras a súa frutífera e eloxiada etapa en Los Árboles, debía explorar novos territorios e atopar novos camiños. Novos sons, novas inquietudes e mesmo novas raíces. E mirou cara ao que máis preto tiña: cara ao océano. E cara ao que máis dentro levaba: o seu pasado. E da fértil fusión dun e outro naceron estas cancións, verdadeiramente inspiradas e inspiradoras, e que toman como referencia a rotunda e arrebatadora sonoridade do rock arxentino, a refrescante liviandad do mellor pop español dos 80 e as aterciopeladas e elegantes cadencias do soul e o R&B.

Todo iso, e máis, expón ALE neste “Flores e fobias” que determina o inicio da traxectoria discográfica do novo proxecto do músico galego.