CHEKAN é un grupo de versións de grupos do rock latino dos setenta: Malo, Sapo, Chango, Azteca, Chicano, BlackSugar….. e si, Santana tamén. Temas moi intensitos, ruidosos e bailongos, destes de suar ben a camiseta. Con moito só, moito tambor, rock por aquí, latin por alá e ás veces un tipo que canta. Un directo que non se pode deixar de gozar nesta edición do FAM.

A banda confórmana Manuel Seoane á guitarra e a voz, Antonio Romero no baixo, Sergio López aos teclados, Dani “Drums” á batería e os coros, David “Tarteiras” e Victor Charlie nas percusións latinas, Álvaro Fernández ao saxo alto e aos coros e David López ao saxo tenor e os coros.