David Álvarez é considerado unha das figuras máis importantes da nova trova, a canción de cantautor e o filin. Compositor, director, arranxista, cantante e produtor, expresa o seu modo de entender a música desde unha estrutura universal cunhas capacidades e garbo inusuais, destacando claramente os seus innatos dotes de interpretación e  transportando a un mundo cargado de emocións. A súa enerxía e silueta peculiar evocan nostalxia e á súa vez frescura. Ten traballado e gravado con artistas como Compay Segundo, Eliades  Ochoa, Chucho Valdés ou Pablo Milanés.