Daydream Sessions é un proxecto colaborativo/comunitario no que artistas de distintas disciplinas reúnense para compartir a súa arte. Creado por un grupo baseé de tres persoas, a agrupación aposta por Sergio Abuín –guitarra e voz–, Adrián Arias –teclados– e Jose Ángel Sánchez –batería– para interpretar temas con formacións distintas en cada lugar no que actúan. Actualmente céntranse en eventos musicais como esta edición do Feito a Man.

Teñen realizado numerosas sesións no compostelán Modus Vivendi con moitos artistas locais e, aos poucos, foron quen de crear unha pequena comunidade de músicos recorrentes cos que poder traballar. O seu show é unha mestura de música propia na que incorporan colaboracións externas dándolle un carácter único a cada interpretación e cada versión, arranxadas dunha ampla variedade de xéneros centrados no groove.