Seguindo a senda de grupos clásicos do Rock Alternativo nacional, esta banda nada en Compostela no 2019 está integrada por coñecidos músicos curtidos na escena local, unha das propostas mais frescas dentro do panorama galego. Actitude, rock n’ roll, desenfreo e bo facer a partes iguais.

O último Vicio compóñeno Curro Marcos -voz e guitarra rítmica-. Jacobo Prieto -baixo e coros-, Martín Zapata -guitarra solista e coros- e mais Pesadelo Martínez á batería. Algúns dos membros deste grupo son caras coñecidas do panorama, pasando por bandas como Rock-a-Hulas, Velcro, Ruxe Ruxe, Miskatones, The Phantom Keys, Dr. Gringo, Degolo, Espiño, Misquious e moitas máis. No FAM 2024 prometen un directo que non deixar escapar.