Helena Egea é un proxecto onde a forza e a paixón da voz son protagonistas. Unha viaxe ao pasado que evoca a forza de mulleres como Aretha Franklin, Nina Simone ou Janis Joplin. O proxecto nace da propia Helena Egea como violinista e cantante. Após de ter participado individualmente nun gran número de agrupacións, Helena aposta pola súa necesidade de ter unha voz propia. É por isto que, nos últimos tempos, conforma a banda coa que se presentan ao FEM 2024,incorporando á voz e violín de Helena Egea guitarra eléctrica, teclado, batería, baixo e guitarra.

O repertorio está conformado por cancións principalmente en inglés e algunhas interpretacións en galego. As letras falan de reflexións sociais, vivencias propias e historias evocadas con imaxes, todo como medio de catarse e autodescubrimiento. Dentro do repertorio súmase o elemento do violín, que se incorpora a esta mestura de estilos como unha segunda voz e parte da identidade do mesmo. A primeira subida ás táboas do formato do quinteto foi na pasada edición do Festival da Luz e actualmente a banda traballa na produción do primeiro EP do selo Helena Egea Quinteto, baixo a batuta de Juan de Dios, co que xa estrearon o seu primeiro single, Glass no pasado mes de outubro.