Neste proxecto a obra de Marcial de Adalid convértese no fío condutor para poder desenvolver esta andaina musical na que se inclúen as melodías tradicionais do cancioneiro “Cantares Viejos y Nuevos de Galicia”, editado no ano 1877. Este proxecto parte da mestura de dous mundos sonoros como son as melodías máis sinxelas da música de raíz e as harmonías do jazz camerístico europeo, unidas polo elo común da improvisación. Para elo, Kin García conta cunha das grandes voces da música galega: Antía Muíño, encargada de dar vida ás melodías da obra de Adalid.
