Las Antonias é unha banda galega que leva dende o ano 2015 repartindo doses de humor e boas vibras dende os palcos. Poderíase dicir que é unha banda de boleros, pero sería unha visión un chisco reducionista. Quizais sería máis axeitado dicir que son unhas ‘perfectas destripadoras de boleros e outras delicias’, tal e como elas mesmas se definen nos seus concertos, porque esas ‘outras delicias’ van dende xéneros tan dispares coma o pop ou a rumba até outros coma a cumbia ou o ska.
