Versos medievais recitados sobre bases trip-hop, moito flow e guiños á contracultura beatnik. Como inesperada asociación, o dúo galego consagrou un proxecto multiforme xogando coa fonética, mesturando linguas e xéneros musicais, bebendo da tradición galego-portuguesa das cantigas medievais, a poesía lorquiana ou o R&B de inspiración anglosaxona. O eterno loop de son atlántico. Comezan a facer música no 2019 motivados pola unión de polaridades contrapostas: academia + underground. Os textos clásicos e os versos inmortais redimensiónanse sobre beats, samplers e scratches. A palabra escrita preformada.
