Este proxecto xorde co encontro de Leni Pérez, pandeireteira, recompiladora, docente e intérprete de música tradicional cun traballo excepcional e moi recoñecido dentro e fóra de Galicia dende hai máis de 30 anos, e o dúo de batería e teclado SeKadra, que son Paulo Silva e Arturo Rúa, músicos de dilatada traxectoria tanto nacional como internacional acompañando a diversos e renomados artistas de diferentes estilos polo mundo.

O proxecto conta tamén co apoio inestimable do gran baixista Paco Dicenta, que xa é un músico lendario na escena galega dos últimos 30 anos, cunha experiencia en gravación e directo cun gran número de bandas de diferentes estilos.

O grupo fusiona o repertorio da música tradicional galega con elementos de jazz, contemporáneo, rock e electrónica.