En palabras do propio grupo “Pode que o rock sexa unha merda de música pero a nós salvounos dunha merda de vida”. E é por iso que, dende 1986 Os Vagos practican o denostado “Pop Rock” (curiosamente xa non hai ese estilo en case ningún lado e tes que escoller ou Pop Indie ou Rock-Punk) e con el poden confirmar sen temor a equivocarse que son o anti “in”, o anti cool, e que non están nin estiveron nunca de moda nin na cabeza de ningún cartel. O que si foron foi o primeiro grupo de menores de idade que tocou nun cárcere (Monterroso 1988), gravaron un disco co “innombrable J.P, editaron cinco álbumes, gravaron dúas bandas sonoras para senllas películas, escribiron un libro autobiográfico e moitos mais etcéteras.

Actualmente son uns cincuentóns compoñendo e tocando as súas cancións alí onde se lles reclame. Tabernas e bares que son seu fogar. Defínense como “delincuentes xuvenís xubilados”. Son prodixiosos e ademais descoñecidos. Pódese pedir mais?