Rack & Ruins nace da unión de Brian Brody e Matt Hanaphy, reputados músicos irlandeses nacidos en Dublín e referentes indiscutibles da cultura pub da capital irlandesa. O seu repertorio é case ilimitado pero, aínda que na actualidade apostan pola composición propia, sempre hai espazo para algunhas pezas clásicas do cancioneiro irlandés. Curtidos en xiras por diferentes países do mundo, este dúo é capaz de animar festivais ou pubs de calquera lugar do mundo coa súa enerxía.