Alén de historiador, creador audiovisual e músico autodidacta, Pilo Sierra é un namorado de Galicia, da súa lingua e das súas xentes. Coma investigador incansable da cultura galega, embelesado polo seu patrimonio, o artista compostelán amosanos o seu universo máis intimo neste proxecto feito en colaboración xunto ao cuarteto de cordas experimental Suelen Estar Quartet e o recoñecido baterista Lar Legido. Un proxecto no que a lingua, a música, a poesía, o mar, o ar e a terra conflúen en doce composicións orixinais; un canto de amor co que render homenaxe ao benquerido artista Fran Pérez, Narf, fonte de inspiración de todo o proxecto.

“Satélite Salitre é unha illa na que abeirar tras un longo navegar polos mares da lingua, da xente e a terra, un proxecto á vez de tránsito e destino” Pilo Sierra