Sr. Salvaje nace en formato power trío dando o pistoletazo de saída nunha repleta Sala Capitol, tras editar o seu primeiro EP. Afianzados como unha das bandas revelación do panorama Rock&Roll santiagués dos últimos anos, realizan unha xira en salas por toda Galicia e no inverno de 2021 gañan o concurso “Queixo maquetón”, converténdose na primeira banda confirmada do Festival do Queixo 2022. Logo de ser finalistas do concurso de bandas “Rock in río tea” e de participar en varios ciclos de concertos, publican diferentes singles do que será o seu primeiro LP.