Tabernarias é o espíritu das vellas tabernas. Da música que criou ás súas integrantes e tamén a das melodías navegantes e transoceánicas. Os ritmos da América do sur e do centro, os boleros, as rancheras pero tamén todo o folclore vizoso e os sons vitais do Perú, de Chile ou da Arxentina. Tabernarias reinterpreta e esencia, emociona, recupera, trae de volta, mestura e reinventa mentres reinvindica a taberna, e a súa música, como lugar imprescindible de encontro, de celebración de vida e de latexo cultural fermoso e infinito

A proposta en directo da banda para esta edición do FAM sube ás táboas a Carlos Méndez no contrabaixo, Rocío Jiménez á voz e percusión, Andrea de Francisco á voz, o laúd e bombo e á voz, guitarra e charango de Manolo Gómez.