Trikornio nace no 2020 das cinzas do trío Reino Animal. Na súa proposta artística a palabra chave é “intensidade”. A súa música ao vivo é indomeable, con escaso espazo para o descanso e cunha posta en escena enerxética e contaxiosa. Un power trío que recolle influencias dende o rock máis clásico, pasando polo metal, a psicodelia, dub, experimental, rock progresivo… nunha mestura persoal que non deixa indiferente.
